ہر زمانہ میں اس کی ضرورت رہی ہے کہ عقیدۂ توحید کو سب سے زیادہ وضاحت اورطاقت و عمومیت کے ساتھ پیش کیا جائے، علمائے ربانی اور اعیان حقانی نے ہر زمانہ  میں تحریرا و تقریا، دعوۃ و خطابۃ اس فرض کو انجام دیا، بر صغیر ہند میں جہاں شرک و وثنیت اور اپنے جامع مفہوم میں جاہلیت ہزاروں برس سے چلی آرہی ہے ، اس کی اور ممالک کے مقابلے میں کچھ زیادہ ہی ضرورت تھی، یہاں علمائے ربانیین نے اپنے اپنے وقت اور اپنے اپنے مقام پر یہ فرض طاقت اور خوبی کے ساتھ انجام دیا، ضرورت تھی کہ ہر وقت اس کا جائزہ لیا جاتا رہے اور یہ فرض انجام دیا جاتا ہے، اس رسالہ میں اسی کی کوشش کی گئی ہے اور دعوت توحید کو واضح کیا گیا ہے۔