اس میں ہندوستان کی عظیم دینی و اصلاحی تحریکات اور دعوتوں، مدارس و حلقہائے فکر، اور تعلیمی و تربیتی مرکزوں کا اجمالی و مستند تعارف کے ساتھ  اصلاح عقائد، غیر اسلامی عادات و شعائر اور جاہلی رسوم و عادات کے خلاف ان کی محاذ آرائی و کامیابی کی مختصر روداد بیان کی گئی ہے، نیز  ان کے بارے میں غلط فہمیوں اور غلط بیانیوں کے ازالہ کی سنجیدہ و ذمہ دارانہ کوشش کی گئی ہے۔ یہ مولانا کے آخر دور کی کتاب ہے، یہ ان حالات میں مولانا نے لکھی جب انھوں نے محسوس کیا کہ مسلمان فروعی مسائل میں پڑ کر اختلاف کا شکار ہو رہے ہیں، اور ان کے دین کی دعوت کو نقصان پہنچ رہا ہے، اس میں ان علماء کی خدمات اور قربانیوں کا بھی ذکر کیا گیا ہے جن کی وجہ سے بر صغیر کے مسلمان اپنی دینی و ملی شناخت کےساتھ باقی ہیں، یہ در اصل “”الأضواء على الحركات والدعوات الدينية والإصلاحية ومدارسها الفكرية ومراكزها التعليمية والتربوية في الهند کا اردو ترجمہ ہے جو مولانا جعفر مسعود حسنی ندوی نے کیا ہے۔